"GCSD" აცხადებს ესეების კონკურსს სტუდენტებისთვის - უკეთ გავიცნოთ ნატო.
კონკურსი მოიცავს ესეს ტიპის ნაშრომის მომზადებას შემდეგ სავარაუდო თემებზე:
** რუსეთის ომი უკრაინაში: ახალი საერთაშორისო წესრიგი და ნატოს როლი მასში
** ნატოს გაფართოების პოლიტიკა რუსეთის მომიჯნავე ქვეყნებში
** აღმოსავლეთ ევროპა, როგორც ნატოს გამწევი ძალა: ახალი გეოპოლიტიკური მოთამაშე?
** რუსეთ-უკრაინის ომი და უკრაინისადმი დასავლეთის მიერ გაღებული დახმარება
** ნატოს წევრი ქვეყნების მილიტარიზაცია უკრაინაში ომის დაწყების შემდეგ
** რუსეთ-უკრაინის ომი და შავი ზღვის უსაფრთხოება
** ფინეთის ნატოში გაწევრიანების გამოცდილება და საქართველოს ნატოში გაწევრიანების პერსპექტივები.
ჩამოთვლილი სიის გარდა, GCSD გამონაკლისის სახით, ასევე მიიღებს ნატოსთან დაკავშირებულ ორიგინალურ თემებს.
კონკურსი ჩატარდება ორ ეტაპად, რომლის ფარგლებშიც შეირჩევა 5 საუკეთესო ნაშრომი. საუკეთესო ნაშრომების ავტორები მიიღებენ ფულად ჯილდოს.
კონკურსში მონაწილეობის მიღება შეუძლიათ ბაკალავრიატის და მაგისტრატურის სტუდენტებს.
წარმოსადგენი დოკუმენტაცია:
** საკონკურსო ნაშრომის მოკლე მიმოხილვა/აბსტრაქტი ქართულ ენაზე (არაუმეტეს 300 სიტყვისა);
** რეზიუმე (CV) ქართულ ან ინგლისურ ენაზე არაუმეტეს 2 გვერდისა;
** წარსულში შესრულებული ნაშრომი (სტატია, რეფერატი, ა.შ.) ქართულ ან ინგლისურ ენაზე.
დაინტერესებულმა პირებმა გთხოვთ ჩამოთვლილი დოკუმენტები გამოგზავნოთ შემდეგ ელ. ფოსტაზე: vacancy@gcsd.org.ge არაუგვიანეს 2023 წლის 21 ივლისისა.
გთხოვთ, სათაურში მიუთითოთ - "უკეთ გავიცნოთ ნატო" და თქვენი სახელი და გვარი.
პროექტს "უკეთ გავიცნოთ ნატო - ფაზა II" #GCSD ნატოს სახალხო დიპლომატიის განყოფილების მხარდაჭერით ახორციელებს.
პროექტის მიზანია, ახალგაზრდებს და საზოგადოების სხვა ჯგუფებს გააცნოს ჩრდილოატლანტიკური ხელშეკრულების ორგანიზაციის შესახებ არსებული აქტუალური თემები და ხელი შეუწყოს ამ საკითხებზე დისკუსიის წარმართვას.