Continue with facebook
Continue with google
"მშვიდობის კორპუსი საქართველოში" აცხადებს კონკურსს ორგანიზაციებისა და სათემო ჯგუფებისათვის, მშვიდობის კორპუსის ინდივიდუალური და ორგანიზაციული განვითარების პროგრამის მოხალისის მისაღებად.
კონკურსში მონაწილეობა შეუძლიათ დაინტერესებულ საჯარო და სამოქალაქო საზოგადოების ორგანიზაციებს და სათემო ჯგუფებს საქართველოს შემდეგი რეგიონებიდან:
** კახეთი (ახმეტის ჩრდილოეთით მდებარე დასახლებების გარდა)
** მცხეთა-მთიანეთი (სტეფანწმინდა და სტეფანწმინდის ჩრდილოეთით მდებარე დასახლებების გარდა)
** შიდა ქართლი
** ქვემო ქართლი
** სამცხე ჯავახეთი
** აჭარა
** გურია
** იმერეთი
** სამეგრელო
** რაჭა-ლეჩხუმი
** სვანეთი
კონკურსში მონაწილეობა არ შეუძლიათ იმ სოფლების და ქალაქების ორგანიზაციებს, რომლებიც სამხრეთ ოსეთისა და აფხაზეთის ადმინისტრაციული-სასაზღვრო ზოლიდან ხუთ-კილომეტრიან მონაკვეთში მდებარეობენ.
შერჩეულ ორგანიზაციებს და სათემო ჯგუფებს საშუალება ექნებათ ითანამშრომლონ ამერიკელ მოხალისესთან 2024-2026 წლების განმავლობაში. თანდართულია, სააპლიკაციო ფორმა და გზამკვლევი ორგანიზაციებისთვის, პროექტის მიზნებისა და ამოცანების შესახებ დაწვრილებითი ინფორმაციით. ფორმის ჩამოტვირთვა ასევე შესაძლებელია მშვიდობის კორპუსის ვებ-გვერდიდან.
თუ თქვენ, ან თქვენი პარტნიორი ორგანიზაცია ან სათემო ჯგუფი დაინტერესებულია მოხალისესთან თანამშრომლობით 2024-2026 წლების განმავლობაში:
** გაეცანით საინფორმაციო ბუკლეტს
** სრულად შეავსეთ მოხალისის მოსაწვევი სააპლიკაციო ფორმა (ინგლისურ ენაზე)
** შევსებული ფორმა გამოაგზავნეთ მისამართზე GE-IOD@peacecorps.gov
სააპლიკაციო ფორმების მიღების ბოლო ვადაა 2023 წლის 16 ოქტომბერი!
0.0