Continue with facebook
Continue with google
საქართველოს ახალგაზრდა რეფორმატორთა ასოციაცია, სტრატეგიული კვლევების საერთაშორისო ინსტიტუტსა და თბილისის ჰუმანიტარულ უნივერსიტეტთან თანამშრომლობით, ინიციატივის „ვებინარების სერია საერთაშორისო სამართალზე“ ფარგლებში, გიწვევთ ვებინარზე „შესავალი პოსტ-კონფლიქტურ მართლმსაჯულებაში“ დასასწრებად, რომელიც თბილისის დროით 29 ნოემბრის 19:00 საათზე გაიმართება.
ვებინარს წარუძღვება ნიურნბერგის პრინციპების საერთაშორისო აკადემიის პროექტის ოფიცერი და ლონდონის დედოფალ მერის უნივერსიტეტის (QMUL) დოქტორანტი საერთაშორისო სისხლის სამართლის მიმართულებით, ლიეჟის უნივერსიტეტის (ბელგია) სისხლის სამართლისა და ლეიდენის უნივერსიტეტის (ნიდერლანდები) საერთაშორისო საჯარო სამართლის მაგისტრი, პაულინ მარტინი.
პაულინ მარტინის სპეციალიზაციას განეკუთვნება საერთაშორისო სისხლის სამართალი და გარდამავალი მართლმსაჯულება. მისი პროფესიული გამოცდილება მოიცავს სხვადასხვა არასამთავრობო ორგანიზაციასა და სისხლის სამართლის საერთაშორისო ტრიბუნალთან თანამშრომლობას, მათ შორის, გახლდათ ლიბანის სპეციალური ტრიბუნალის კონსულტანტი. პაულინე ასევე ჩართული იყო ბრაზილიის ამაზონში კაცობრიობის წინააღმდეგ დანაშაულთა ჩადენის შესახებ ICC-ის პროკურორთან კომუნიკაციის შედგენაში.
პაულინ მარტინის აქვს ბრიუსელის უნივერსიტეტში (ბელგია), ლონდონის დედოფალ მერის უნივერსიტეტსა (გაერთიანებული სამეფო) და ოქსფორდის უნივერსიტეტში (გაერთიანებული სამეფო) სწავლების გამოცდილება საერთაშორისო საჯარო სამართლის, სისხლის სამართლისა და სამართლისა და საჯარო პოლიტიკის მიმართულებით, არის არაერთი სამეცნიერო ნაშრომის ავტორი.
ვებინარს მოდერირებას გაუწევს საქართველოს ახალგაზრდა რეფორმატორთა ასოციაციის საერთაშორისო სამართლისა და საერთაშორისო ურთიერთობების პროგრამის ხელმძღვანელი სტრატეგიული კვლევების საერთაშორისო ინსტიტუტის დირექტორი, გიორგი ჩაჩხიანი.
ვებინარში მონაწილეობა უფასოა და გაიცემა შესაბამისი სერტიფიკატი. რეგისტრაციისთვის, გთხოვთ, არა უგვიანეს 20 ნოემბრისა, შეავსოთ შესაბამისი ფორმა: https://forms.gle/FZW3XrDGVygR8VWN6
0.0