ორგანიზაცია SOS ბავშვთა სოფელი საქართველო აცხადებს ახალგაზრდების მიღებას პროექტში "ოჯახებისა და ახალგაზრდების გაძლიერების გზით სოციალური და ეკონომიკური განვითარების მხარდაჭერა ზუგდიდის მუნიციპალიტეტში".
პროექტის მიზნობრივ ჯგუფს წარმოადგენს: ქ. ზუგდიდში, სოფელ კოკსა და სოფელ რუხში მცხოვრები 18-35 წლის ახალგაზრდები.
პროექტი სამიზნე ჯგუფის ბენეფიციარებს სთავაზობს სხვადასხვა სახის მომსახურებას, როგორებიცაა:
- ახალგაზრდების ფსიქო–სოციალური მხარდაჭერა.
- ინდივიდუალური ფსიქოლოგიური მომსახურება.
- პროფესიული განათლების მიღება–გაუმჯობესებისა და დასაქმების ხელშეწყობა.
- საინფორმაციო შეხვედრები და ტრენინგები.
- კულტურული ღონისძიებების უზრუნველყოფა.
- ახალგაზრდული ფორუმები.
- ახალგაზრდული ინიციატივების ხელშეწყობა.
ახალგაზრდების პროექტში ჩართვა მოხდება იმის გათვლისწინებით, თუ რამდენად მიეკუთვნება აპლიკანტი პროექტის მიზნობრივ ჯგუფ(ებ)ს.
პროექტი დაფინანსებულია ავსტრიის განვითარების სააგენტოსა (ავსტრიის თანამშრომლობის განვითარების სააგენტოს მიერ უზრუნველყოფილი სახსრებით) და ავსტრიის SOS ბავშვთა სოფლის მიერ.