Continue with facebook
Continue with google
ევროპის ფონდი იწვევს განვითარების საწყის ეტაპზე მყოფ სამოქალაქო საზოგადოების ორგანიზაციებს (სსო) მცირე საგრანტო კონკურსში მონაწილეობის მისაღებად.
კონკურსი მიზნად ისახავს მცირე გამოცდილების მქონე სათემო ორგანიზაციების ინსტიტუციურ გაძლიერებასა და ადგილობრივ დონეზე გადაწყვეტილების მიღების პროცესში მათი მონაწილეობის ხელშეწყობას, აქტუალური სათემო პრობლემების გამოვლენისა და მოგვარების მიზნით;
კონკურსის მიზანი და ამოცანები:
კონკურსის მიზანია ახლად შექმნილი სსო-ების განვითარებაში წვლილის შეტანა, რაც ხელს შეუწყობს მათ აქტიურ მონაწილეობას ადგილობრივი მოსახლეობისთვის აქტუალური პრობლემების მოგვარებაში, რათა მოხდეს ადგილობრივ დონეზე ინკლუზიური და დემოკრატიული მმართველობის პრაქტიკის დანერგვა და/ან გაუმჯობესება.
საგრანტო კონკურსის მთავარი ამოცანებია:
** ახლად დაარსებული სსო-ების გაძლიერება მათი ინსტიტუციური განვითარების, სამოქალაქო საზოგადოებასთან მჭიდრო თანამშრომლობისა და სხვადასხვა დაინტერესებულ მხარესთან პარტნიორობის მეშვეობით.
** სსო-ების სამოქალაქო მონიტორინგისა და ადვოკატირების საქმიანობის ხელშეწყობა ადგილობრივ დონეზე აქტუალური პრობლემების გამოვლენისა და მოგვარების მიზნით, მოსახლეობასთან, გამოცდილ საზოგადოებრივ ორგანიზაციებთან და მედიასთან თანამშრომლობის გზით.
** ვის შეუძლია კონკურსში მონაწილეობა
** კონკურსში მონაწილეობა შეუძლიათ საქართველოში რეგისტრირებულ, ახლად დაარსებულ, არამომგებიან, არაკომერციულ სსო-ებს, რომლებსაც სულ მცირე ერთი წლის მუშაობის გამოცდილება აქვთ. პროექტის განხორციელებაში არ უნდა ჩაერთონ (როგორც გრანტის ფარგლებში ანაზღაურებადი თანამშრომლები): საჯარო მოხელეები, პოლიტიკური პარტიებისა და ორგანიზაციების წარმომადგენლები.
** დაფინანსება
** საკონკურსო პროექტებისთვის გათვალისწინებული საგრანტო თანხის მაქსიმალური ოდენობა შეადგენს 30, 000 ლარს თითოეულ პროექტზე. პროექტის ხანგრძლივობა უნდა იყოს მინიმუმ 10 თვე.
განაცხადების წარდგენის ბოლო ვადა: 2024 წლის 2 თებერვალი
კონკურსის შედეგების გაზიარება: 2024 წლის 4 მარტი
საგრანტო კონკურსის შესახებ დამატებით ინფორმაცია იხილეთ: https://jobs.ge/ge/?view=jobs&id=516862
გისურვებთ წარმატებებს!
0.0