Continue with facebook
Continue with google
საქართველოს პროკურატურა სტუდენტურ ორგანიზაცია "ენკომთან" თანამშრომლობით პროექტს - "დებატები ნაფიც მსაჯულთა სასამართლოს თემაზე“ განახორციელებს, რომლის მიზანს, იურიდიული ფაკულტეტის სტუდენტებში თეორიული და პრაქტიკული კომპონენტების ინკორპორაცია და ნაფიც მსაჯულთა ინსტიტუტის მიმართ ცნობიერების ამაღლება წარმოადგენს. პროექტი სამი დღე გაგრძელდება, რა დროსაც, მონაწილეები სიღრმისეულ სწავლებას გაივლიან.
პირველი დღე თეორიულ ნაწილს და ტრენინგებს დაეთმობა, რომლის ფარგლებშიც საქართველოს პროკურატურის წარმომადგენელი ისეთ საკითხებს განიხილავს, როგორიცაა:
• ნაფიც მსაჯულთა ინსტიტუტის წარმოშობა;
• ნაფიც მსაჯულთა შერჩევის პროცედურა;
• შესავალი და დასკვნითი სიტყვების მთავარი ასპექტები და მისი სწორად ჩამოყალიბების წესები;
• შედეგზე ორიენტირებული პირდაპირი და ჯვარედინი დაკითხვის ჩასატარებელი უნარები.
"ენკომის" წარმომადგენელი კი, ტრენინგს დებატებში გაუძღვება, რომელიც კარლ პოპერის ფორმატით წარიმართება (ღირებულებების დებატები). შესაბამისად, ტრენერი მონაწილეთა ინფორმირებას სწორედ აღნიშნული ფორმატის შესახებ მოახდენს. ამასთან, მონაწილეებს ეგზავნებათ კაზუსი, რომლის საფუძველზეც მათ ერთის მხრივ სამართლებრივი ნიუანსების, ხოლო მეორეს მხრივ დებატების ტექნიკების სწორი სინთეზი უნდა მოახდინონ.
მეორე დღეს, ქართული სერიალის, ,,ნაფიცი მსაჯული“ ჩვენება მოხდება, რომელიც 3 ნაწილისგან შედგება. ყოველი ნაწილის დასრულების შემდეგ, სერიალთან დაკავშირებით დისკუსია შედგება, რომლის წარმართვაში მონაწილეობას პროკურატურისა და "ენკომის" წარმომადგენლები მიიღებენ.
მესამე დღე მთლიანად დებატებს დაეთმობა, სადაც ნაფიცი მსაჯულები დასკვნითი სიტყვით წარდგებიან. საქართველოს პროკურატურის წარმომადგენელი მონაწილეთა სამართლებრივ შეფასებას მოახდენს, ხოლო "ენკომის" წარმომადგენელი - დებატების ჭრილში შეაფასებს, თუ რამდენად დაიცვეს მხარეებმა შესაბამისი სტრუქტურა და არგუმენტაცია.
პროექტის დასასრულს, ყველა მონაწილე მონაწილეობის დამადასტურებელ სერტიფიკატს მიიღებს.
პროექტში მონაწილეობით დაინტერესებულმა პირებმა, აპლიკაციები 14 ივნისის ჩათვლით მითითებულ ბმულზე უნდა გაგზავნონ:
.
დამატებითი ინფორმაციის მიღება კი, შესაძლებელია შემდეგ ელექტრონულ ფოსტაზე - ltdencom@gmail.com და ტელეფონის ნომრებზე: 568 333 520 - ლანა, 574 020 407 - მარიამი.
0.0